श्रीमदभगवदगीता - पूर्व प्रार्थन

1

श्रीशैलेश दयापात्रं धीभक्त्यादि गुणार्णवम्‌|
यतीन्द्र प्रवणं वन्दे रम्यजामातरं मुनिम्‌||

2

लक्ष्मीनाथ समारम्भां नाथ यामुन मध्यमाम्‌|
अस्मदाचार्य पर्यन्तां वन्दे गुरुपरम्पराम्‌||

3

यो नित्य मच्युत पदाम्बुज युग्मरुक्म
व्यामोहत स्तदितराणि तृणाय मेने |
अस्मद्गुरो र्भगवतो७स्य दयैकसिन्धोः
रामानुजस्य चरणौ शरणं प्रपद्ये ||

4

मातापिता युवतय स्तनया विभूतिः
सर्वं यदेव नियमेन मदन्वयानाम्‌|
आद्यस्य नः कुलपते र्वकुळाभिरामं
श्रीमत्त दंघ्रियुगळं प्रणामामि मूर्ध्ना ||

5

भूतं सरश्च महदाह्वय भट्टनाथ
श्रीभक्तिसार कुलशेखर योगिवाहान्‌|
भक्ताङ्घ्रिरेणु परकाल यतीन्द्रमिश्रान्‌
श्रीमत्पराङ्कुशमुनिं प्रणतो७स्मि नित्यम्‌||

1

शुक्लांबरधरं विष्णुं शशिवर्णं चतुर्भुजम् |
प्रसन्नवदनं ध्यायेत् सर्वविघ्नोपशांतये ||

2

यस्य द्विरद वक्त्राद्याः पारिषद्याः परश्शतम्|
विघ्नं निघ्नंति सततं विष्वक्सेनं तमाश्रये ||

3

व्यासं वशिष्ठनप्तारं शक्तेः पौत्र मकल्मषम् |
पराशरात्मजं वंदे शुकतातं तपोनिधिम् ||

4

सम्यङ्न्याय कलापेन महता भारतेन च ।
उपबृंहित वेदाय नमो व्यासाय विष्णवे ||

5

सारथ्यमर्जुन स्याजौ कुर्वन् गीतामृतं ददौ ।
लोकत्रयोपकाराय तस्मै कृष्णात्मने नमः ||

6

प्रपन्नपारिजाताय वेत्रतोत्रैकपाणये ।
ज्ञानमुद्राय कृष्णाय गीतामृत दुहे नमः ||

7

करकमल निदर्शितात्ममुद्रः
परिकलितोन्नत बर्हिबर्हचूडः ।
इतरकरगृहीत वेत्रतोत्रः
मम हृदि सन्निधि मातनोतु शौरिः ||

8

अग्रे कृत्वा कमपि चरणं जानुनैकेन तिष्ठन्
पश्चात्पार्थं प्रणय सजुषा चक्षुषा वीक्षमाणः ।
सव्येतोत्रं करसरसिजे दक्षिणे ज्ञानमुद्रां
आबिभ्राणो रथ मधिवसन् पातु न स्सूतवेषः ||

9

कृष्णं कमलपत्राक्षं पुण्य श्रवण कीर्तनम् ।
वासुदेवं जगद्योनिं नौमि नारायणं हरिम् ||

10

कृष्णाय यादवेंद्राय ज्ञानमुद्राय योगिने ।
नाथाय रुक्मिणीशाय नमो वेदांतवेदिने ||

श्रीकृष्ण परब्रह्मणे नमः

श्रीकार्यम्

पूर्व प्रार्थन