Srikaryam

गुणत्रयविभागयोगः (श्रीमद्भगवद्गीत - चतुर्दशोऽध्यायः )

श्रीश्रीश्री त्रिदंडि चिन्नश्रीमन्नारायण रामानुज जीयर स्वामीजी की दिव्य वाणी से

श्रीमद्भगवद्गीत का मूल

Update Required To play the media you will need to either update your browser to a recent version or update your Flash plugin.

श्लोक 1 - 10 11 - 20 21 - 27

अथ
गुणत्रयविभागयोगः

श्री भगवानुवाच
परं भूयः प्रवक्ष्यामि
ज्ञानानां ज्ञान मुत्तमम् |
यद् ज्ञात्वा मुनय स्सर्वे
परां सिद्धि मितो गताः ||

इदं ज्ञान मुपाश्रित्य
मम साधर्म्य मागताः |
सर्गेऽपि नोपजायंते
प्रलये न व्यथंति च ||

मम योनि र्मह द्ब्रह्म
तस्मिन् गर्भं दधा म्यहम् |
संभव स्सर्वभूतानां
ततो भवति भारत! ||

सर्व योनिषु कौंतेय!
मूर्तय स्संभवंति याः |
तासां ब्रह्म महद्योनिः
अहं बीजप्रदः पिता ||

सत्त्वं रज स्तम इति
गुणाः प्रकृति संभवाः |
निबध्नंति महाबाहो!
देहे देहिन मव्ययम् ||

तत्र सत्त्वं निर्मलत्वात्
प्रकाशक मनामयं |
सुख संगेन बध्नाति
ज्ञान संगेन चानघ! ||

रजो रागात्मकं विद्धि
तृष्णा संग समुद्भवम् |
तन्निबध्नाति कौंतेय!
कर्मसंगेन देहिनम् ||

तम स्त्वज्ञानजं विद्धि
मोहनं सर्वदेहिनां |
प्रमादालस्य निद्राभिः
तन्निबध्नाति भारत! ||

सत्त्वं सुखे संजयति
रजः कर्मणि भारत! |
ज्ञान मावृत्य तु तमः
प्रमादे संजय त्युत ||

रज स्तम श्चाभिभूय
सत्त्वं भवति भारत! |
रज स्सत्त्वं तम श्चैव
तम स्सत्त्वं रज स्तथा ||

श्लोक 1 - 10 11 - 20 21 - 27

श्रीकार्यम्